O Samichlaus, du guete Maa

 

O Samichlaus, du guete Maa,

ich weiss nid, öb der’s sägä cha –

es truggt mi nämli tüüf im Härz,

so öppis wienä liisä Schmärz.

Chumm, bügg di zuemer, bis so guet,

dinn säg der, was mi plougä tuät!

 

Sisch leider wieder Chrieg und Not,

in mingem Huus fählt s täglich Brot,

und vieli Chind, i mingem Land

hin weder Mueter, Bett, no Gwand,

dr Tod isch dr einzig Gascht –

 

weisch, Samichlaus, drum brüäli fascht.

Bim Bätä hani geschter dinggt,

mier alli wärden riich beschinggt,

miär hind’s im Schwiizerländli rächt

und’s goht üs allgemein nid schlächt,

hin Bett und Brot und Grittibinzä,

und üseri Augä dörfen glinzä.

 

O Samichlaus, min liebä Gascht,

ich gsiä, du brüälisch sälber fascht –

ich ha di doch nur welle bittä:

Legg eis vu mini Gschingg uf d’Siitä,

und brings doch eim vo denä Chind,

wo ohni Brot und Heimät sind!


weitere Sprüche:

Download
Chlaus-Sprüche
zum herunterladen
Samichlausspruch.pdf
Adobe Acrobat Dokument 173.8 KB